Թեհրանը նախազգուշացնում է ԱՄՆ-ին՝ չմոտենալ Հորմուզի նեղուցին, հայտարարել է Իրանի «Խաթամ ալ-Անբիա» կենտրոնական շտաբի հրամանատար Ալի Աբդոլլահին։
«Մենք զգուշացնում ենք, որ ցանկացած օտարերկրյա զինված ուժ, մասնավորապես՝ ԱՄՆ-ն, որը կփորձի մոտենալ և մտնել Հորմուզ, կենթարկվի զինված ուժերի հարձակմանը»,- Աբդոլլահիի խոսքերն է մեջբերում Fars-ը։
Նա նշել է, որ իրանցի զինվորականները վերահսկում են Հորմուզի նեղուցը, որով լցանավերի և առևտրային նավերի անցումը կարող է իրականացվել Իրանի զինված ուժերի հետ համակարգմամբ:
ԱՄՆ նախագահ Դոնալդ Թրամփն ավելի վաղ հայտարարել էր «Ազատություն» գործողության մասին, որը Հորմուզի նեղուցում արգելափակված նավերն ազատելու ծրագիր է։