Այս օրերին Երևանում են գտնվում Եվրոպական քաղաքական էլիտայի ներկայացուցիչները. մեկնարկեց Հայաստան-ԵՄ առաջին գագաթաժողովը։ Այս բացառիկ միջոցառումը տեղի է ունենում Հայաստանի համար նոր աշխարհաքաղաքական պայմաններում։
Ներկայիս իրավիճակի բարդությունն այն է, որ Հայաստանը դեռևս տնտեսապես առավել ուղղված է դեպի Ռուսաստան և ԵԱՏՄ, սակայն միաժամանակ ձգտում է դեպի եվրոատլանտյան կողմը։ Սա միանշանակ վտանգավոր իրավիճակ է, քանի որ ռազմավարական քայլեր ձեռնարկելու առումով ՀՀ ճկունությունը սահմանափակ է։ Եվրոպական քաղաքական համայնքի բազմաթիվ տնտեսություններ բախվում են դժվարությունների, որոնք պայմանավորված են ռուս-ուկրաինական հակամարտությամբ, ԱՄՆ-Իրան լարվածությամբ, ինչպես նաև ԱՄՆ-ի հետ դաշնակցային հարաբերությունների թուլացմամբ։
ԱրարատԲանկը հայտարարում է ղեկավար կազմում փոփոխության մասին
Դիտարկենք` ինչպիսին է պատկերը եվրոպական հիմնական տնտեսություններում.
- ԵՄ տնտեսական աճը 2026 թ․ առաջին եռամսյակում կազմել է 1%, տարեկան գնաճը 2026 թ․ մարտին հաստատվել է 2.8% մակարդակում, իսկ գործազրկության մակարդակը 2026 թ․ փետրվարին կազմել է 5.9%։
- Մեծ Բրիտանիայում 2025 թ․ չորրորդ եռամսյակում տնտեսական աճը կազմել է 0.97%, տարեկան գնաճը 2026 թ․ հունվարին՝ 3.03%, իսկ գործազրկության մակարդակը 2025 թ․ նոյեմբերին՝ 5.2%։
- Թուրքիայում տնտեսական աճը կազմել է 3.5%, տարեկան գնաճը՝ 31%, իսկ գործազրկության մակարդակը՝ 8.1%։
Հայաստանը դեռևս չունի լայն տնտեսական հարաբերություններ Թուրքիայի հետ։ Ադրբեջանի պարագայում նկատվում է տնտեսական աշխուժություն, սակայն երկու երկրների միջև շարունակում են մնալ չկարգավորված հարցեր։
Պարզաբանում ներկայիս իրավիճակի շուրջ. Wildberries
ՀՀ արտահանման և ներմուծման ծավալներում զգալի մասնաբաժին ունեն հետևյալ երկրները․
Արտահանման ծավալներ (ՀՀ Վիճակագրական կոմիտեի տվյալներով)
- ԵՄ՝ 12%
- Շվեյցարիա՝ 4%
- Վրաստան՝ 1.6%
Ներմուծման ծավալներ
- ԵՄ՝ 18%
- Մեծ Բրիտանիա՝ 0.9%
- Վրաստան՝ 0.7%
Ընդհանուր պատկերը ցույց է տալիս, որ Հայաստանը փորձում է հավասարակշռել իր տնտեսական ուղղվածությունները՝ միաժամանակ պահպանելով կապերը ավանդական գործընկերների հետ և զուգընթաց բացելով նոր հնարավորություններ եվրոպական շուկաներում։