Իրանն ուսումնասիրում է Պակիստանի միջնորդությամբ փոխանցված ամերիկյան կողմի ուղերձները, հայտարարել է Իրանի ԱԳՆ պաշտոնական ներկայացուցիչ Էսմաիլ Բաղային, հայտնում է Tasnim-ը:
«Իրանը դեռևս եզրակացության չի հանգել, և ամերիկյան կողմին պատասխան չի տրվել»,- ասել է Բաղային:
Ավելի վաղ CNN հեռուստաալիքը, հղում անելով տարածաշրջանի իր աղբյուրին, հայտնել էր, որ ակնկալվում է, որ Իրանի Իսլամական Հանրապետությունը հինգշաբթի օրը կփոխանցի պատասխանը ԱՄՆ-ի՝ հակամարտության խաղաղ կարգավորման վերաբերյալ առաջարկին:
Իսլամական հանրապետության ԱԳՆ ներկայացուցիչ Էսմաիլ Բաղային ավելի վաղ հայտարարել էր, որ ամերիկյան առաջարկին Իրանի պատասխանը կուղարկվի պակիստանյան կողմին, որը հանդես է գալիս որպես միջնորդ:
Մինչ այդ Axios պորտալը հանդես էր եկել պնդմամբ, որ Վաշինգտոնն ու Թեհրանը մոտ են զինված հակամարտության ավարտի մասին մեկ էջանոց հուշագրի ստորագրմանը: