Tesla-ի և SpaceX-ի գործադիր տնօրեն Իլոն Մասկը նշել է, որ մեկ տարվա ընթացքում ավելի քան 10 միլիարդ դոլարի հարկ է վճարել։
«Ես մեկ տարվա ընթացքում ավելի քան 10 միլիարդ դոլարի հարկ եմ վճարել՝ ավելին, քան պատմության մեջ որևէ մեկը», – գրել է Մասկը սոցիալական ցանցերում։
Նա ասել է, որ բաժնետոմսերի օպցիոնների իրացման և վաճառքի ժամանակ իր համար դաշնային և նահանգային եկամտային հարկի համակցված գումարը կազմում է մոտ 45%։ Մասկը նաև նշել է, որ շարունակում է հարկեր վճարել Քալիֆորնիա նահանգին այնտեղ անցկացրած յուրաքանչյուր օրվա համար։
Ավելին, ձեռնարկատերը նշել է մոտավորապես 40% կազմող ժառանգության հարկի մասին, որը կգանձվի իր մահից հետո։ «Ես, հավանաբար, տրիլիոնավոր դոլարների հարկեր կվճարեմ», – ասել է գործարարը։
Մասկը Forbes-ի աշխարհի ամենահարուստ մարդկանց ցուցակում առաջին տեղում է։ Tesla-ի, SpaceX-ի հիմնադիրի և X սոցիալական ցանցի սեփականատիրոջ զուտ կարողությունը հասել է 839 միլիարդ դոլարի։