Չինաստանի Գերագույն ժողովրդական դատախազությունը կարգադրել է կալանավորել China Eastern Airlines ավիաընկերության խորհրդի նախկին նախագահ Լյու Շաոյունին՝ կոռուպցիայի կասկածանքով։
Դատախազության հայտարարության մեջ նշվել է, որ նախկին ղեկավարը, որը նախկինում նաև ղեկավարել է China Southern Airlines-ը, ծառայողական դիրքն օգտագործել է կաշառքների դիմաց շահույթ ստանալու համար։ Գերատեսչությունն ընդգծել է, որ նա ենթակա է քրեական պատասխանատվության։
Լյու Շաոյունը հետաքննության տակ է հայտնվել 2025 թվականի հունիսին, իսկ 2026 թվականի հունվարին նրան հեռացրել են Չինաստանի Կոմունիստական կուսակցությունից։
Չինաստանի իշխանությունները շարունակում են լայնածավալ հակակոռուպցիոն արշավը, որը սկսվել է այն բանից հետո, երբ 2012 թվականին իշխանության եկավ Չինաստանի նախագահ Սի Ծինփինը։ Այդ ընթացքում բազմաթիվ պաշտոնյաներ ու պետական ընկերությունների ղեկավարներ հեռացվել են պաշտոններից և դատապարտվել կոռուպցիոն գործերով։