Գեղամ Նազարյանը ֆեյսբուքի իր էջում տեսանյութ է հրապարակել՝ անդրադառնալով «Հայաստան» դաշինքի նախընտրական խոստումներից մեկին, ըստ որի՝ պետք է հրապարակվեն 44-օրյա պատերազում զոհված զինծառայողների անուն ազգանունները:
«Ուզում եմ անդրադառնալ ընդդիմադիր ուժերից մեկի խոստմանը: Նրանք խոստանում են հրապարակել 44-օրյա պատերազմի զոհերի անունները՝ այնպիսի լուրջ դեմքով, ասես մինչև հիմա դրանք հրապարակված չեն:
Ստիպված եմ հիշեցնել, որ իմ առաջարկով որոշում կայացվեց զոհված հերոսների անունները հրապարակել «Զինապահ» հիմնադրամի պաշտոնական ցուցակում, այնտեղ չի կարող լինել ոչ ավելացված, ոչ պակասեցված անուն, այնպես որ՝ եթե ինչ-որ մեկը թիվ է ուզում ճշտել, կարող է մտնել ու ծանոթանալ թվին ու նրանց անուններին:
Մի հիշատակեք մեր զոհված տղաների անունները նախընտրական արշավում, մի՛ օգտագործեք նրանց անունները», – ասում է նույն դաշինքով պատգամավոր դարձած Գեղամ Նազարյանը, ով այնուհետև դուրս եկավ նրանց շարքերից: