Reuters գործակալությունը հաղորդում է, որ ուրբաթ Հռոմում Իտալիայի վարչապետ Ջորջիա Մելոնիի հանդիպումը ԱՄՆ պետքարտուղար Մարկո Ռուբիոյի հետ տեղի է ունենում Հռոմի և ԱՄՆ նախագահ Դոնալդ Թրամփի վարչակազմի միջև աճող լարվածության ֆոնին, որը հիմնականում պայմանավորված է Իրանի հետ պատերազմով։
Մելոնին նախկինում համարվում էր Թրամփի ամենամտերիմ դաշնակիցներից մեկը Եվրոպայում և ձգտում էր միջնորդել Վաշինգտոնի և ԵՄ երկրների միջև։ Սակայն Մերձավոր Արևելքում պատերազմը մեծացրել է ճնշումը նրա կառավարության վրա՝ ստիպելով նրան հավասարակշռել ԱՄՆ-ի նկատմամբ իր դաշնակցային պարտավորությունները հակամարտության նկատմամբ իտալական հասարակության բացասական վերաբերմունքի հետ։
Մելոնիի հետ հանդիպումից առաջ Ռուբիոն բանակցություններ է վարել Իտալիայի արտգործնախարար Անտոնիո Տայանիի հետ, որը բանակցությունները որակել է կառուցողական։
ԱՄՆ պետքարտուղարը հանդիպել է նաև Հռոմի Պապի հետ, որն ընդգծել է «հանուն խաղաղության անխոնջ աշխատելու անհրաժեշտությունը»։ Ռուբիոյի այցը Վատիկան լայնորեն դիտվում է որպես լարվածությունը մեղմելու փորձ՝ Հռոմի Պապ Լևոն XIV-ի նկատմամբ Դոնալդ Թրամփի բազմաթիվ քննադատություններից հետո։