Հաղթանակի տոնի կապակցությամբ ՌԴ նախագահ Վլադիմիր Պուտինի ելույթը տևել է 8,5 րոպեից մի փոքր ավելի, հայտնում է «ՌԻԱ Նովոստին»։
Ըստ ավանդույթի՝ Հաղթանակի օրը Պուտինը Կարմիր հրապարակում հանդես է եկել հանդիսավոր ճառով, որը տևել է 8,5 րոպե, ինչից հետո սկսվել է շքերթի քայլերթային մասը։
Շաբաթ օրը Մոսկվայի Կարմիր հրապարակում տեղի է ունեցել ռազմական շքերթ, որը նվիրված է եղել Հայրենական մեծ պատերազմում տարած հաղթանակի 81-րդ տարեդարձին։
Ներկա պահին շքերթն ավարտված է։
Շքերթի մեկնարկին պատվո պահակախումբը, «Սրբազան պատերազմ» երգի հնչյունների ներքո, ավանդույթի համաձայն հրապարակ է բերել Ռուսաստանի պետական դրոշն ու Հաղթանակի դրոշակը։ Դրանից հետո պաշտպանության նախարար Անդրեյ Բելոուսովն ու Ցամաքային զորքերի գլխավոր հրամանատար, գեներալ-գնդապետ Անդրեյ Մորդվիչևը շրջել են հրապարակով և ողջունել շարքերով կանգնած զորախմբերին։
Այնուհետև զորախմբերը հանդիսավոր քայլերթով են կատարել Կարմիր հրապարակով։ Ներկայացվել է Ուկրաինայում մարտնչող Ռուսաստանի բոլոր զորատեսակների ու ստորաբաժանումների զինծառայողների աշխատանքը։
Զորահանդեսին մասնակցել է նաև Կորեայի ժողովրդական բանակի զինծառայողների շքերթային ստորաբաժանումը։ Ստորաբաժանման զինվորներն ու սպաները ռուս զինվորների հետ միասին մարտական առաջադրանքներ են կատարել Կուրսկի շրջանում։
«Շքերթի օդային մասի ժամանակ ցուցադրվել է «Կուբայական ալմաստ» կոչվող բարդ հնարքը։ Սա մի թռիչք է, որտեղ ինը կործանիչներ («Ռուսաստանի դյուցազուններ» և «Ստրիժներ» խմբերից) օդում թռչում են այնքան մոտ և այնպիսի դասավորությամբ, որ վերևից հիշեցնում են շեղանկյուն կամ ալմաստի տեսք։ Ինքնաթիռները միմյանցից գտնվել են ընդամենը մի քանի մետր հեռավորության վրա՝ միաժամանակ կատարելով ընդհանուր թռիչքը։
Շքերթն ավարտվել է 6 հատ Սու-25 գրոհային ինքնաթիռների թռիչքով, որոնք Մոսկվայի երկինքը ներկել են Ռուսաստանի դրոշի գույներով: