Եվրոպայում ԱՄՆ դաշնակիցներն սպասում են, որ նախագահ Դոնալդ Թրամփը դուրս կբերի լրացուցիչ զորքեր մայրցամաքից, այն բանից հետո, երբ նա հայտարարեց, որ Գերմանիայից կհանի 5 000 զինծառայող, հաղորդել է Bloomberg գործակալությունը՝ հղում կատարելով հարցին ծանոթ աղբյուրներին։
ՆԱՏՕ երկրների բարձրաստիճան դիվանագետները կանխատեսում են, որ Թրամփը կհայտարարի զորքերի հետագա կրճատման մասին, հնարավոր է՝ ներառյալ նաև Իտալիայից։
Ակնկալվում է նաև, որ ԱՄՆ նախագահը կհրաժարվի Ջո Բայդենի նախագահության ժամանակ մշակված՝ Գերմանիայում հեռահար հրթիռներ տեղակայելու ծրագրից, նշել են անանուն աղբյուրները։