«Առանց հարկ վճարելու չի լինի․ բոլորը պետք է վճարեն, սակայն հարկային բեռը պետք է բաշխվի արդար սկզբունքով․ ցածր եկամուտ ունեցողը պետք է վճարի քիչ, բարձր եկամուտ ունեցողը՝ ավելի շատ»,- ասել է Դավիթ Անանյանը՝ Վանաձորում «Միասնության թևեր» կուսակցության քարոզարշավի ժամանակ։
Նրա խոսքով՝ «Միասնության թևերի» ծրագրով նախատեսվում է վերացնել շրջանառության հարկը և ներդնել 5 տոկոս առևտրի հարկ՝ տնտեսվարողների համար առավել պարզ և կանխատեսելի պայմաններ ապահովելու նպատակով։