Հնդկաստանի հյուսիսային Հիմաչալ Պրադեշ նահանգում մեքենա է գլորվել ձորը։ Պատահարի հետևանքով առնվազն վեց մարդ է զոհվել, ևս չորսը՝ վիրավորվել։ Այս մասին հայտնել է «Սինհուա» գործակալությունը՝ հղում անելով տեղի ոստիկանությանը։
Ըստ ստացված տեղեկությունների՝ վթարը տեղի է ունեցել Հիմաչալ Պրադեշի Չամբա շրջանում։ Ոստիկանության փոխանցմամբ՝ տուժածների վիճակն այս պահին գնահատվում է կայուն։
Նշվում է, որ բոլոր տուժածները Հնդկաստանի արևմտյան Գուջարաթ նահանգի բնակիչներ են եղել և տարածաշրջանում են եղել միայն արձակուրդի շրջանակներում։