Մայիսի 12-ին Վիեննայում մեկնարկեց «Եվրատեսիլ» 70-րդ հոբելյանական մրցույթը։ Առաջին կիսաեզրափակչի 15 մասնակիցներից եզրափակիչ անցան Հունաստանը, Ֆինլանդիան, Բելգիան, Շվեդիան, Մոլդովան, Իսրայելը, Սերբիան, Խորվաթիան, Լիտվան և Լեհաստանը։
Մրցույթից դուրս մնացին Պորտուգալիան, Վրաստանը, Մոնտենեգրոն, Էստոնիան և Սան Մարինոն, իսկ հիմնադիր երկրներից Գերմանիան ու Իտալիան, համաձայն կանոնակարգի, արդեն իսկ ապահովել են իրենց տեղը եզրափակչում։
Հայաստանի ներկայացուցիչ Սիմոնը «Paloma Rumba» երգով ելույթ կունենա երկրորդ կիսաեզրափակչում՝ մայիսի 14-ին։ Մրցույթի մեծ եզրափակիչը տեղի կունենա մայիսի 16-ին և կհեռարձակվի Հանրային հեռուստաընկերության ուղիղ եթերում։