Ջորջիա նահանգում բռնկված անտառային հրդեհների հետևանքով առնվազն 120 բնակելի տուն է հիմնահատակ այրվել։ Այս մասին հայտնել է The New York Times (NYT) թերթը։
Ջորջիայում անտառային հրդեհների մակերեսն այժմ գնահատվում է 20 հազար հեկտար։ Հարևան Ֆլորիդայում նույնպես անտառային հրդեհների հետ կապված ծանր իրավիճակ է. այնտեղ այրվել է մոտ 48,5 հազար հեկտար տարածք։ Այս նահանգում կրած վնասների մասին տեղեկություններ չեն հաղորդվում, սակայն հայտնի է, որ Ֆլորիդայում հրդեհաշիջման աշխատանքների ժամանակ մեկ փրկարար է զոհվել։
Նահանգային իշխանությունները ներկայիս անտառային հրդեհներն անվանում են վերջին տասնամյակի ամենակործանարարներից մեկը։ Հրդեհների առաջացման հիմնական պատճառը երաշտն ու շոգ եղանակն է։