Բլոգեր Նանո Քալաշյանը հայտնվել է հետևորդների թիրախում այն բանից հետո, երբ հրապարակավ աջակցություն է հայտնել իր ամուսնուն՝ քաղաքական գործիչ Հայկ Աթոյանին։
Վերջինս ընդգրկված է «Հայաստան» դաշինքի ցուցակում, ինչը դժգոհության ալիք է բարձրացրել երգչուհու լսարանի մի մասի շրջանում։ Նանոն, անդրադառնալով իր հասցեին հնչող վիրավորանքներին, նշել է, որ ընտանիքում փոխադարձ աջակցությունն իրենց համար առաջնային է։
Նա կոչ է արել դադարեցնել ատելության խոսքը. «Ինձ մի՛ գրեք՝ հետևորդ կկորցնեմ, թե ինչ… Ես իմ ամուսնուն աջակցում եմ յուրաքանչյուր պարագայում։ Եթե մարդը գնում է ընտրության ու որոշում է՝ ում ընտրի, դա տվյալ մարդու որոշումն է։ Հանե՛ք էդ ատելությունը վերջապես»,- գրել է նա։
Քննարկումներն այնքան են թեժացել, որ Նանոն հրապարակել է հետևորդներից մեկի հետ նամակագրությունը, որտեղ իրեն մեղադրել են «թրքասեր» լինելու մեջ։
Նանոն հեգնանքով է պատասխանել մեղադրանքներին՝ նշելով, որ չի իջնի նման մակարդակի, բայց կարող է շատ փակագծեր բացել, թե իրականում ովքեր են «թրքասերները»։
Թամարա Քալանթարյան