Իտալիան խստացրել է վիզային կանոնները Ռուսաստանի քաղաքացիների համար՝ Ուզբեկստանի միջոցով «Շենգենյան վիզաների վաճառքի» շուրջ սկանդալից հետո։
Ռուսաստանում գործող իտալական վիզային կենտրոնները՝ VMS և AlmavivA, դադարեցրել են միջնորդների միջոցով դիմումների ընդունումը։ Այդ մասին հայտնել է Ռուսաստանի տուրօպերատորների ասոցիացիաը (АТОР)։
Այժմ դիմորդները պարտավոր են անձամբ ներկայանալ փաստաթղթերի հանձնման համար՝ ունենալով անձնագիր և առցանց հաստատված հերթագրում։
Մի շարք տուրիստական ընկերությունների համար պահպանվել է փաստաթղթերի ներկայացման արտոնագրված համակարգը, սակայն միայն այն դեպքում, եթե քաղաքացին ձեռք է բերում ամբողջական տուրփաթեթ՝ հյուրանոցով, ավիատոմսերով և ապահովագրությամբ։
АТОР-ում նշել են, որ կանոնների խստացումը «կասկածի տակ է դնում ռուսաստանցիների ամառային սեզոնի ուղևորությունները դեպի Իտալիա»։
Փորձագետների գնահատմամբ՝
- Մոսկվայում և Մոսկվայի մարզում գրանցված դիմորդները վիզային կենտրոն կարող են հերթագրվել ոչ շուտ, քան հունիսի վերջում,
- մարզերից դիմողները՝ միայն հուլիսին։
Բացի այդ, փաստաթղթերի ավելի խիստ ստուգումների պատճառով իտալական վիզայի ստացման գործընթացը այժմ կարող է տևել մինչև չորս ամիս։
Ավելի վաղ հայտնի էր դարձել Պիերգաբրիելե Պապադիա դե Բոտտինի դի Սանտ Ագնեզեի ձերբակալության մասին, որը նախկինում նաև Իտալիայի գլխավոր հյուպատոսն էր Մոսկվաում։
Նրան կասկածում են երկարաժամկետ շենգենյան վիզաների ապօրինի ձևակերպման սխեմա կազմակերպելու, անօրինական միգրացիային աջակցելու և կոռուպցիայի մեջ։
Քննության վարկածով՝ 56-ամյա դիվանագետը և նրա օգնական Տատյանա Տարականովան 4-ից 16 հազար եվրոյի «լրացուցիչ վճարի» դիմաց օգնել են ձևակերպել վիզաներ այն ռուսաստանցիների համար, որոնց փաստաթղթերը չեն համապատասխանել պահանջվող չափանիշներին։