ԱՄՆ նախագահ Դոնալդ Թրամփը Fox News հեռուստաալիքին տված հարցազրույցում հայտարարել է, որ Չինաստանի նախագահ Սի Ծինպինը համաձայնել է պատվիրել 200 Boeing ինքնաթիռ՝ այդ քայլն անվանելով չինացի առաջնորդի հանձնառություն։
«Միակ բանը, որի հետ նա այսօր համաձայնեց, այն է, որ նա պատրաստվում է պատվիրել 200 ռեակտիվ ինքնաթիռ՝ 200 խոշոր օդանավ։ Դա շատ աշխատատեղեր են»,- հայտնել է ԱՄՆ նախագահը։
Թրամփը նաև նշել է, որ օդատիեզերական հսկան ի սկզբանե ցանկանում էր ավելի փոքր պատվեր ստանալ։
«Boeing-ը ցանկանում էր 150-ը, ստացավ 200-ը»,- հայտարարել է Թրամփը։
Նրա կարծիքով՝ Սի Ծինպինի հայտարարությունը հավասարազոր է Boeing-ից ինքնաթիռների գնման գործընթացն առաջ մղելու պարտավորությանը։