ԱՄՆ-ը Կուբայի նախկին նախագահ, 94-ամյա Ռաուլ Կաստրոյին մեղադրանք առաջադրելու քայլեր է ձեռնարկում, հայտնել է CBS News հեռուստաալիքը՝ հղում կատարելով աղբյուրներին։
«Սպասվում է, որ հնարավոր մեղադրական եզրակացությունը, որը պետք է հաստատվի մեծ ժյուրիի կողմից, կենտրոնացած կլինի 1996 թվականին Կուբայի կողմից Brothers to the Rescue մարդասիրական կազմակերպությանը պատկանող ինքնաթիռների մահացու խոցման վրա», — նշվել է հրապարակման մեջ։
Նշվել է, որ ԱՄՆ արդարադատության նախարարությունը հրաժարվել է մեկնաբանել այս տեղեկությունը։
2021 թվականին Ռաուլ Կաստրոն պաշտոնապես հեռացավ Կուբայի կոմունիստական կուսակցության առաջնորդի պաշտոնից։ Միևնույն ժամանակ, քաղաքական գործիչը շարունակում է մնալ երկրի ամենաազդեցիկ դեմքերից մեկը։