Ռուսաստանը և Ուկրաինան իրականացրել են ռազմագերիների փոխանակում, որի ընթացքում կողմերից յուրաքանչյուրը վերադարձրել է 205 մարդ, հայտնել են Ռուսաստանի պաշտպանության նախարարությունից։ Ուկրաինան առայժմ չի մեկնաբանել փոխանակումը։
Ռազմագերիների նախորդ փոխանակումը տեղի էր ունեցել ապրիլի 24-ին, երբ կողմերը միմյանց փոխանցել էին 193-ական մարդ։
Հաղթանակի օրվա կապակցությամբ հայտարարված եռօրյա հրադադարից հետո, որի մասին մայիսի 8-ին հայտարարել էր ԱՄՆ նախագահ Դոնալդ Թրամփը, նա ինքն էլ ասել էր, որ հրադադարը կներառի գերիների փոխանակում՝ հազարական մարդու չափով։ Մայիսի 10-ին՝ հրադադարի երկրորդ օրը, Վլադիմիր Զելենսկին ասել էր, որ Ուկրաինայի համակարգող շտաբը Ռուսաստանին փոխանցել է փոխանակման ցուցակները։ Հրադադարն ավարտվել է մայիսի 12-ի կեսգիշերին, սակայն մինչ այդ պահը փոխանակումն այդպես էլ չէր կայացել։