Իրանի նախագահ Մասուդ Փեզեշքիանը X սոցիալական ցանցում ուղերձ է հղել պարսկերենի և մեծ բանաստեղծ Ֆիրդուսու հիշատակի օրվա առթիվ՝ ընդգծելով լեզվի և գրականության նշանակությունը երկրի ազգային ինքնության պահպանման գործում:
Իր հայտարարության մեջ Փեզեշքիանը մեջբերել է «Շահնամե» պոեմի հայտնի տողերը.
«Եթե չլինի Իրանը, թող չլինի նաև իմ մարմինը։
Թող այս երկրամասում և այս հողի վրա ոչ մի հոգի չմնա»։
Իրանի նախագահն ընգծել է, որ Ֆիրդուսին իր «Շահնամե»-ով հավերժորեն դրոշմել է Իրանի պատմական ու մշակութային ինքնատիպությունը և հերոսության գաղափարը համակել արդարության գաղափարով:
Փեզեշքիանը նշել է, որ այսօր էլ Իրանի զավակները, ինչպես հնագույն էպոսի հերոսները, կանգնած են իրենց երկրի անվտանգության և արժանապատվության պաշտպանության դիրքերում՝ ընդդեմ բռնակալների:
چو ایران نباشد تن من مباددر این بوم و بر زنده یک تن مبادفردوسی با شاهنامه، هویت تاریخی و فرهنگی ایران را جاودانه کرد و پهلوانی را در پیوند با عدالت معنا بخشید. امروز نیز فرزندان ایران، در برابر بیدادگران، پاسدار امنیت و سرافرازی این سرزمیناند.
— Masoud Pezeshkian (@drpezeshkian) May 15, 2026