Ուզբեկստանում սահմանապահներն ու մաքսավորները կանխել են Աֆղանստանից գրեթե 600 կիլոգրամ թմրանյութի ներմուծման փորձը, որը թաքցված էր բեռնատարով տեղափոխվող էքսկավատորի «սլաքում», РИА Новости-ին հայտնել են հանրապետության Պետական անվտանգության ծառայության (ՊԱԾ) մամուլի կենտրոնում։
Մամուլի կենտրոնի տվյալներով, «Թերմեզ-ավտոմոբիլային» անցակետում ՊԱԾ սահմանապահ զորքերի ծառայողները մաքսավորների հետ համատեղ զննել են Աֆղանստանից ժամանած Mercedes–Benz բեռնատարը։ Մեքենայի թափքում գտնվել է Doosan էքսկավատոր, սակայն դրա սկանավորման ընթացքում պարզվել է, որ տեղափոխվող տեխնիկայի ներսում եղել են օտար առարկաներ։
«Պարզվել է, որ էքսկավատորի բարձրացնող «սլաքում» գաղտնի եղանակով թաքցված են եղել 593 կիլոգրամ հաշիշ և 3 կիլոգրամ ափիոն», – հայտնել է ՊԱԾ ներկայացուցիչը։