Իրանում հայտարարել են, որ ԱՄՆ-ի հետ երկխոսություն են վարում Խամենեիի վերահսկողության ներքո։ Իրանական պատվիրակությունը, որն անմիջականորեն ներգրավված է Վաշինգտոնի հետ բանակցային գործընթացում, գտնվում է Իրանի բարձրագույն ղեկավարության լիակատար վերահսկողության ներքո և գործում է Իսլամական Հանրապետության գերագույն առաջնորդ Մոջթաբա Խամենեիի հավանությամբ, հայտնել է Իսլամական հեղափոխության պահապանների կորպուսում Իրանի հոգևոր առաջնորդի ներկայացուցիչ Աբդալլահ Հաջի Սադեղին։
«Ամերիկյան ներկայացուցիչների հետ բանակցություններն ընթանում են մեր բարձրաստիճան պաշտոնյաների լիակատար վերահսկողության ներքո և գերագույն առաջնորդի աջակցությամբ»,- նշել է Սադեղին, որի խոսքերը մեջբերել է Al Mayadeen հեռուստաալիքը։
Սադեղին հավելել է, որ Թեհրանը «չի նահանջի ոչ մի սպառնալիքի կամ ճնշման առաջ»։