Հայաստանի Առաջին խմբի առաջնության 29-րդ տուրում Արմավիրը ներկայացնող «Սարդարապատ» ֆուտբոլային ակումբը 2-1 հաշվով հաղթանակ է տարել «Սյունիքի» նկատմամբ:
Վճռորոշ հանդիպմանը գոլերի հեղինակ են դարձել Համլետ Մինասյանն ու Լևոն Վարդանյանը: Այս արդյունքի շնորհիվ Ալեքսանդր Տոռեսի գլխավորած թիմը վաստակել է 73 միավոր և առաջնության ավարտից 1 տուր առաջ անհասանելի դարձել մրցակիցների համար՝ նվաճելով չեմպիոնի տիտղոսը:
Առաջին խմբում գրանցած այս վերջնական հաջողության շնորհիվ արմավիրյան ակումբը պաշտոնապես նվաճել է նաև Հայաստանի Պրեմիեր լիգայի հաջորդ մրցաշրջանի ուղեգիր: Հաջորդ մրցաշրջանում բարձրագույն դիվիզիոնը կհամալրվի նորեկով, ինչի արդյունքում Արմավիրը երկար դադարից հետո կունենա իր ներկայացուցիչը երկրի գլխավոր առաջնությունում:
Armsport