«Քաղաքացիական պայմանագրի» ամբողջ նախընտրական ծրագիրը՝ Ադրբեջանին և Ալիևին տված խոստումներն են։ Ախուրյանի բնակիչների հետ հանդիպման ժամանակ այս մասին հայտարարել է «Հայաստան» դաշինքի պատգամավոր Իշխան Սաղաթելյանը։
Պատգամավորը շեշտել է, որ առաջիկա ընտրությունները ճակատագրական են։ Այն դեպքում, երբ իշխանությունները մշտապես խոսում են ինքնիշխանության մասին և պնդում, թե հենց իրենք են ինքնիշխանության և տարածքային ամբողջականության պահապանը, պնդում են, թե եթե իրենք չլինեն, բոլորը «կհանձնեն ռուսներին», տարածքային ամբողջականությունը կխախտվի և պատերազմ կլինի, այդպիսով վախեցնում են բնակչությանը։
«Մենք ասում ենք՝ կարո՞ղ ես հայտարարել, որ այլևս ոչ մի քառակուսի մետր չես հանձնի։ Ի պատասխան՝ Փաշինյանը հայտարարել է, որ նոր տարածքներ կզիջի։ Այս հայտարարությունը շրջադարձային նշանակություն ունի ողջ նախընտրական արշավի համար, և ես այլ ուժերի ուշադրությունն եմ հրավիրում այս հայտարարության վրա»,– ընդգծել է պատգամավորը։
Նա հիշեցրել է երկրորդ հարցը, որը վերաբերում է Հայաստանի օկուպացված տարածքներից ադրբեջանական ուժերի դուրսբերմանը։ «Ինչ ենք սրա փոխարեն ստանում։ Մարդը բարձրախոսը վերցրել է և հարձակվում է քաղաքացիների վրա, իսկ երբ արցախցիները ինչ-որ բան են ասում, նրանց վրա հոխորտում է և ասում՝ ինչու եք դուք կենդանի։ Ինչպե՞ս կարող է այդպիսի մարդը հավակնել իշխանության մեջ հետագա մնալուն»,– հայտարարել է Սաղաթելյանը։ Նա ընդգծել է, որ «Քաղաքացիական պայմանագրի» ամբողջ նախընտրական ծրագիրը Ադրբեջանին և Ալիևին տված խոստումներ են՝ տարածքային զիջումներ, Հայ Առաքելական Եկեղեցու վրա հարձակումներ և շատ այլ բաներ։