ՌԴ նախագահ Պուտինը և Չինաստանի նախագահ Սի Ցզինպինը առանձնազրույցի համար հանդիպել են Պեկինում։
Հանդիպման բաց մասում Պուտինը ասել է.
Ռուսաստան-Չինաստան հարաբերությունները հասել են աննախադեպ մակարդակի և հանդիսանում են իսկապես համապարփակ գործընկերության մոդել։
Մերձավոր Արևելքի ճգնաժամի պայմաններում Մոսկվան «շարունակում է պահպանել ռեսուրսների հուսալի մատակարարի իր դերը, իսկ Չինաստանը մնում է պատասխանատու սպառող»։
Մոսկվա-Պեկին արտաքին քաղաքականության համագործակցությունը «միջազգային ասպարեզում հիմնական կայունացնող գործոններից մեկն է»։
Ռուսաստանը, Չինաստանի հետ միասին, ձգտում է կառուցել ավելի արդար և ժողովրդավարական աշխարհակարգ։
Սի Ցզինպինն արձագանքել է
Չինաստան-Ռուսաստան հարաբերությունները «աստիճանաբար հասել են իրենց ներկայիս բարձր մակարդակին»։
Աշխարհը կանգնած է «ջունգլիների օրենքին» վերադառնալու վտանգի առաջ։ Այս ֆոնին Ռուսաստան-Չինաստան բարեկամության և համագործակցության պայմանագրի առաջադեմ բնույթն ու արժեքը դառնում են ավելի ակնհայտ։
Զարգացման և համագործակցության ցանկությունը մնում է Չինաստանի և Ռուսաստանի ժողովուրդների կամքը։