Ֆրանսիայի նախագահ Էմանուել Մակրոնը հայտնել է Ադրբեջանի նախագահ Իլհամ Ալիևի հետ հեռախոսազրույցի մասին։
«Ես վերահաստատել եմ Ֆրանսիայի աջակցությունը Հայաստանի և Ադրբեջանի միջև խաղաղ գործընթացին և ընդգծել այդ գործընթացի շարունակական առաջընթացի կարևորությունը», – գրել է նա X սոցիալական ցանցի իր էջում։
Նա հավելել է, որ Ադրբեջանի ղեկավարի հետ քննարկել է նաև տարածաշրջանային հարցեր և երկկողմ հարաբերությունների զարգացման ներուժը: