Նիկոլ Փաշինյանի քարոզարշավի ընթացքում նրա կողքին կասկածելի կերպարներ են հայտնվում, նրանցից մի քանիսին մենք նախորդ հրապարակումներում անդրադարձել ենք։
Փաշինյանի աջակիցները ոչ միայն ագրեսիվ են տրամադրված այլ հայացքներ ունեցող քաղաքացիների նկատմամբ, այլ այդ ագրեսիան տարածում են համացանցում, իսկ Տիկ-տոկ-ում հրապարակման ոչ ենթական սեռական հայհոյանքներ տեղադրում: ՔՊ-ի ակտիվ աջակից Սիրարփի Եգանյանի եղբայրը` էդմոնդ Եգանյանը նման տեսանյութերի «հերոս» է: Խայտառակ սեռական բնույթի հայհոյանքներով համեմված տեսանյութ է պտտվում Տկ տոկում, որտեղ նա սեռական բնույթի հայհոյանքներ է հնչեցնում ինչ-որ մեկի երեխայի հասցեին։ Հոխորտացող երիտասարդը պարզվում է օրեր առաջ բեմահարթակում ԱԺ նախագահ Ալեն Սիմոնյանի հետ «տռճիկ» տվող Սիրարփի Եգանյանի եղբայրն է։ Վերջինս «փաշինյանական սրտիկներով» լուսանկարներ է հրապարակում սոցցանցերում։
Սիրարփի Եգանյանի մտերիմ ընկերուհին՝ Արմինե Միրզոյանը, որը եւս իշխանության ֆանատներից է, ըստ «Դատալեքս» դատական-տեղեկատվական համակարգի մեղադրյալի կարգավիճակ ունի Քննչական կոմիտեում նախաձեռնված քրեական մի վարույթի շրջանակում։ Արմինե Միրզոյանին մեղադրանք է առաջադրվել 2025 թվականի քննությամբ դեռևս չպարզված ժամանակահատվածում տեղեկատվական և հաղորդակցական տեխնոլոգիաներն օգտագործելով խուլիգանություն կատարելու համար, նրա նկատմամբ խափանման միջոց է ընտրվել բացակայելու արգելքը։
