Ընտրությունների նախաշեմին տարբեր հարցումներ են անցկացվում, որոնք տարբեր արդյունքներ են ցույց տալիս, այդ թվում՝ գործող իշխանության հաղթանակը։ Եթե առաջիկա ընտրություններում հաղթի գործող իշխանությունը, իսկ ընդդիմությունը չընդունի արդյունքները և սկսի փողոցային պայքար, հասարակության արձագանքը կարող է դառնալ ներքաղաքական ամենակարևոր հարցերից մեկը։
Oragir.News-ը շրջել է մայրաքաղաքի փողոցներում և անցորդներին հարց ուղղել․ «Եթե ընդդիմությունը փողոցային պայքար սկսի, կմիանա՞ք»։
Հարցվածների մի մասը նշեց, որ կմիանա ընդդիմության փողոցային պայքարին, որոշներն էլ բացասական պատասխան տվեցին։
«Անպայման, ուզում եմ՝ փոխվի։ Ինչ-որ լավ բան մնացե՞լ է։ Ինքն իր տանը խաղաղություն չունի»,- պատասխանեց քաղաքացիներից մեկը։
Մեկ այլ անցորդ էլ ասաց, որ ցանկացած իշխանության ժամանակ էլ իրենք իրենց աշխատանքով են ապրելու։ «Ոչ, մենք աշխատող, քրտնելով ապրող մարդիկ ենք, և ինչ իշխանություն էլ լինի, մենք աշխատելով ենք ապրելու»,- նշեց նա։
Քաղաքացիներից մեկի կարծիքով էլ՝ թե՛ իշխանությանը, թե՛ ընդդիմությանը պետք է հրապարակում կապել։ «Իրանց բոլորին՝ թե՛ ընդդիմությանը, թե՛ հիմիկվաններին, այ սենց բռնել ա պետք ու հրապարակում «ստոլբեքի» վրա կապել, որ ժողովուրդն ինչ ուզում է՝ անի»,- ասաց նա։
«Բնականաբար»,- պատասխանեց մեկ այլ անցորդ։
Մանրամասները՝ տեսանյութում.