Իսրայելը բողոք է հղել Իսպանիայի Էլ Բուրգո քաղաքում տեղի ունեցած միջադեպը դարձել է միջազգային դիվանագիտական լարվածության նոր առիթ։ Տեղի բնակիչների և զբոսաշրջիկների ներկայությամբ իրականացվել է Իսրայելի վարչապետ Բենիամին Նեթանյահուի խրտվիլակի հրապարակային այրումը։
Ըստ շրջանառվող տեղեկությունների՝ խրտվիլակը պարունակել է մոտ 13.9 կիլոգրամ պայթուցիկ նյութ, որը գործի է դրվել արարողության ժամանակ։ Միջադեպին անմիջապես արձագանքել է պաշտոնական Թել Ավիվը։ Իսրայելի արտաքին գործերի նախարարությունը բողոքի նոտա է ներկայացրել Իսպանիայի դեսպանատան ավագ դիվանագետին՝ կատարվածը որակելով որպես «սարսափելի հակասեմական ատելության» դրսևորում։ Իսրայելական կողմը պահանջում է պատշաճ գնահատական տալ տեղի ունեցածին, որն արդեն իսկ մեծ արձագանք է գտել միջազգային մամուլում։
Այս իրադարձությունը տեղի է ունենում երկու երկրների միջև առկա բարդ հարաբերությունների ֆոնին և էլ ավելի է սրում քաղաքական մթնոլորտը։ Իսպանական կողմը դեռևս պաշտոնական մեկնաբանություն չի տվել՝ կապված քաղաքային միջոցառման շրջանակներում տեղի ունեցած այս ակցիայի հետ։
Տեսանյութը՝ այստեղ: