Լեհաստանի նախագահ Կարոլ Նավրոցկին լրագրողների հետ հանդիպման ժամանակ փոխվարչապետ և պաշտպանության նախարար Վլադիսլավ Կոսինյակ-Կամիշին մեղադրել է հիմարության և իր աշխատանքը չկատարելու մեջ։
«Պարոն Կոսինյակ-Կամիշը հիմարություն է արել և չի կատարել իր աշխատանքը»,- Նավրոցկու խոսքերը մեջբերել է Interia.pl ինտերնետ-պորտալը։
Պետության ղեկավարն այսպես է արձագանքել պաշտպանության նախարարության ղեկավարի մայիսի 28-ի հայտարարությանը, թե «նախագահի գրասենյակն աշխարհի պորտը չէ», և որ կառավարությունը պարտավոր չէ նախագահին նախապես տեղեկացնել բոլոր նախապատրաստվող միջազգային համաձայնագրերի մասին։
Նախագահի և կառավարության միջև հակամարտության հերթական փուլը պայմանավորված էր մայիսի 27-ին Լեհաստանի և Մեծ Բրիտանիայի վարչապետներ Դոնալդ Տուսկի և Քիր Սթարմերի ստորագրած պաշտպանության և անվտանգության համաձայնագրով, որի տեքստին Նավրոցկին նախապես ծանոթ չէր եղել։