Եվրոպայում ՆԱՏՕ-ի միացյալ զինված ուժերի գլխավոր հրամանատարության (SHAPE) ներկայացուցիչը Reuters լրատվական գործակալությանը ասել է, որ Ռումինիայի տարածքում ընկած անօդաչու թռչող սարքը եղել է ռուսական արտադրանքի։
Նա նաև հավելել է, որ դաշինքը ներկայումս գնահատում է իրավիճակը՝ Ռումինիայի և ՆԱՏՕ-ի անդամ մյուս երկրների պաշտպանությունն անօդաչու սարքերից էլ ավելի բարելավելու նպատակով։
Հիշեցնենք՝ Ռումինիայի իշխանությունները հայտնել են, որ Ուկրաինայի վրա մայիսի 29-ին Ռուսաստանի գիշերային հարձակման ընթացքում անօդաչու թռչող սարք է ընկել ռումինական Գալաթի քաղաքի 10 հարկանի բնակելի շենքի տանիքին։