ԱՄՆ նախագահ Դոնալդ Թրամփը հայտարարել է, որ շուտով Իրանի հետ կապված իրավիճակի վերաբերյալ վերջնական որոշում կկայացնի։
«Հիմա խորհրդակցություն կանցկացնեմ օպերատիվ կենտրոնում՝ վերջնական որոշում կայացնելու համար (Իրանի վերաբերյալ. խմբ.)», – գրել է Թրամփը «Truth Social»–ում։
ԱՄՆ առաջնորդն ընդգծել է` Իրանը պետք է համաձայնություն տա, որ երբեք միջուկային զենք չի ունենալու։
Նա նաև պահանջել է, որ Թեհրանն անհապաղ ականազերծի Հորմուզի նեղուցը, և հայտնել է, որ ԱՄՆ–ն Իրանի և ՄԱԳԱՏԷ–ի հետ համագործակցությամբ ԻԻՀ–ից դուրս կբերեն միջուկային նյութերը` դրանք ոչնչացնելու համար։
Թրամփի խոսքով` գործարքն այս պահին գումարի որևէ փոխանակում չի ենթադրում, իսկ ավելի քիչ կարևորություն ունեցող մյուս պայմաններն արդեն համաձայնեցված են։