ԱՄՆ նախագահ Դոնալդ Թրամփը լքել է Իրանի հետ հնարավոր գործարքի վերաբերյալ երկժամյա հանդիպումը՝ առանց որոշում ընդունելու, հայտնում է The New York Times-ը՝ հղում անելով վարչակազմի բարձրաստիճան ներկայացուցչին։
Թե ինչու Թրամփը որոշում չի ընդունել, հայտնի չէ։
Ավելի վաղ Truth Social սոցիալական ցանցում նա ակնարկել էր, որ մտադիր է վերջնական որոշում ընդունել Սպիտակ տան Իրավիճակային սենյակում անցկացվելիք հանդիպման ժամանակ։
Հանդիպումից առաջ ԱՄՆ նախագահը պնդում էր, որ կրակի դադարեցման ռեժիմի երկարաձգման մասին համաձայնագիրը ներառելու է Իրանի կողմից Հորմուզի նեղուցի վերաբացումը, երբեք միջուկային ռումբ չստեղծելու խոստումը և թույլտվությունը Միացյալ Նահանգներին՝ դուրս բերելու իր հարստացված ուրանը։
Իրանը բազմիցս հրաժարվել է վերոնշյալ պայմանների կատարումից։