Դերասանուհի, հաղորդավարուհի Յանա Դանիելյանը սոցիալական հարթակների իր պաշտոնական էջում նոր, չափազանց գեղեցիկ լուսանկար է հրապարակել դստեր՝ Ադելի հետ:
Լուսանկարն արվել է Ադելի կյանքի կարևորագույն և հիշարժան օրերից մեկի՝ դպրոցական ավարտական երեկոյի ընթացքում: Կադրերում մայր ու դուստր ներկայացել են շքեղ կերպարներով. Յանան ընտրել է էլեգանտ սև հագուստ, իսկ Ադելը՝ ավարտական երեկոյին համահունչ, նուրբ սպիտակ զգեստ:
Լուսանկարին կից դերասանուհին կատարել է գրառում: «Սենց դեպքերում ուրախ եմ, որ AI կա՝ իմ պատկերացրած ֆոնը կարողացա տեղադրել Կարևորը մենք ենք, որ իրական ենք և այն պահերն ու էմոցիաները, որոնք ապրում ենք»,- անկեղծացել է Յանա Դանիելյանը:
Հատկանշական է, որ վերջին շրջանում Ադելի կյանքի բոլոր կարևոր իրադարձություններին ակտիվորեն ներկա է գտնվում նաև հայրը՝ դերասան, հաղորդավար Սուրեն Փահլևանյանը։
Չնայած տարիներ առաջ տեղի ունեցած ամուսնալուծությանը՝ նախկին ամուսինները պահպանել են բարձր գիտակցությունն ու հարգանքը: Նրանք միասին մասնակցել են դստեր ավարտական հանդիսությանը՝ այդ հիշարժան ու պատասխանատու պահին լինելով Ադելի կողքին և թև ու թիկունք դառնալով նրան դեպի մեծ կյանք ճանապարհին: