Ռուսաստանի ֆինանսների նախարար Անտոն Սիլուանովը և ՌԴԿենտրոնական բանկի ներկայացուցիչները զգուշացրել են «Վլադիմիր Պուտինին ռազմական ծախսերի պատճառով բյուջեի վրա ճնշման աճի մասին», հաղորդում է Bloomberg-ը։
Ռուսաստանի բարձրաստիճան ֆինանսական պաշտոնյաներն, ըստ գործակալության, երկրի ղեկավարությանը հայտնել են, որ ռազմական ծախսերի ներկայիս կառուցվածքը բյուջետային դեֆիցիտի շեշտակի աճի վտանգ է ներկայացնում։ Նրանց խոսքով՝ Ֆինանսների նախարարությունը և Ռուսաստանի Դաշնության Կենտրոնական բանկը պնդում են պաշտպանական ծախսերը վերանայելու անհրաժեշտության վրա և առաջարկում են դրանք կրճատելու տարբերակներ։
Այս գերատեսչությունները կարծում են, որ առանց պետական ծախսերի օպտիմալացման ֆինանսների կայունացումը չափազանց դժվար կլինի։ Ֆինանսական հատվածի նախաձեռնությունները հանդիպել են զինվորականների և որոշ քաղաքական առաջնորդների դիմադրությանը։ Նրանք, իրենց հերթին, կարծում են, որ ռազմական ֆինանսավորման կրճատումը կարող է վնասել պաշտպանական արդյունաբերությանը և խաթարել դրա նպատակների իրականացումը։
Ըստ աղբյուրների, քննարկումներից մի քանիսը վերաբերում են բյուջեի վերաբաշխումներին այլ կետերի օգտին, որի վերջնական որոշումը մնում է նախագահի վրա։
Որոշ գնահատականներ ցույց են տալիս, որ Ռուսաստանի բյուջեի դեֆիցիտը այս տարի կարող է հասնել տրիլիոնավոր ռուբլու։ Միևնույն ժամանակ, երկրի տնտեսությունը դանդաղում է, իսկ աճի կանխատեսումները նվազում են։
Պատժամիջոցները, անկայուն արտահանման եկամուտները և նախկինում դեֆիցիտը փոխհատուցող պահուստների նվազումը շարունակում են մնալ լրացուցիչ ճնշման գործոններ։
Իշխանություններն արդեն իսկ ստիպված են բարձրացնել հարկերը և վերանայել բյուջեի պարամետրերը։