Գագաուզիայի Ժողովրդական ժողովը (խորհրդարանը) քվորում չլինելու պատճառով չի կարողացել քննարկել Մոլդովայի կազմում գտնվող այս ինքնավարության պատգամավորական ընտրությունների անցկացման պայմանները։
Ինչպես ինքնավարության հեռուստատեսության ուղիղ եթերում հայտնել է խորհրդարանի նախագահի պաշտոնակատար Նիկոլայ Օրմանժին, նիստին ներկա է եղել 33 պատգամավորից միայն 13-ը։
«Դահլիճում ներկա է 33 պատգամավորից 13-ը։ Ընդմիջում ենք վերցնում, և այս օրակարգով նիստի մասին լրացուցիչ կտեղեկացնենք»,- հայտարարել է նա։
Արդյունքում նիստը հետաձգվել է, իսկ հարցի քննարկման նոր ժամկետի մասին կհայտարարվի հետագայում։