Կալիֆոռնիայի բանկերից մեկում բարիկադավորված տղամարդու մոտ գտնվող պատանդներից երկուսն ազատ են արձակվել։ Այս մասին հայտնում է ABC հեռուստաալիքը՝ հղում անելով ոստիկանությանը։
Ամերիկյան Բեյկերսֆիլդ քաղաքի (Կալիֆոռնիա նահանգ) ոստիկանությունն ավելի վաղ հայտնել էր, որ անհայտ տղամարդը բարիկադավորվել է «Chase» բանկի շենքում, որտեղ նրա հետ միասին այլ մարդիկ էլ կան։ Մինչ այդ իրավապահները հայտնել էին շենքում պայթյունի սպառնալիքի մասին։
«Շենքից երկու պատանդ է ազատ արձակվել, իսկ մնացած բոլորը գտնվում են անվտանգության մեջ։ Կասկածյալի հետ բանակցությունները շարունակվում են», – ասված է հեռուստաալիքի հաղորդագրության մեջ։
ABC-ի հաղորդմամբ՝ պայթյունի սպառնալիքի պատճառով անվտանգության նկատառումներից ելնելով ժամանակավորապես փակվել են մի շարք շինություններ, այդ թվում՝ Բեյկերսֆիլդի քաղաքապետարանն ու ոստիկանության շենքը։