ԵՐԵՎԱՆ, 4 հունիսի. /ԱՌԿԱ/. 2026 թ․-ի մայիսին հայկական դրամի հաշվարկային միջին փոխարժեքը ԱՄՆ դոլարի նկատմամբ կազմել է 368.5 դրամ՝ 2025 թ․-ի մայիսի 386.6 դրամի դիմաց։
Այս մասին են վկայում Հայաստանի վիճակագրական կոմիտեի տվյալները։
Այսպիսով, ընթացիկ տարվա մայիսի ցուցանիշը նախորդ տարվա համեմատ ցածր է եղել մոտ 4.7%-ով։
2026 թ․-ի մայիսին Հայաստանում, նույն տարվա ապրիլի համեմատ, արձանագրված սպառողական գների 0.8% նվազումն (գնանկումը) ուղեկցվել է ԱՄՆ դոլարի նկատմամբ հայկական դրամի հաշվարկային փոխարժեքի 1.5% կրճատմամբ (դրամն արժևորվել է)։