Եվրոպական միության դիվանագիտության ղեկավար Կայա Կալասը X սոցիալական ցանցում հայտարարել է, որ Իսրայելի և Լիբանանի միջև կրակի դադարեցման վերջին համաձայնությունը հնարավորություն է տալիս կանխել լայնամասշտաբ մարտական գործողությունների վերադարձը, սակայն իրավիճակը դեռևս ծայրահեղ փխրուն է։
Նրա խոսքով՝ Լիբանանում ՄԱԿ-ի ժամանակավոր ուժերի (UNIFIL) խաղաղապահի զոհվելը և շարունակվող տեղային բախումներն ընդգծում են ձեռք բերված պայմանավորվածությունների անկայունությունը և լարվածության սրացման պահպանվող ռիսկերը։
Կալասը շեշտել է, որ «Հըզբոլլահից» բխող սպառնալիքի երկարաժամկետ նվազեցումը հնարավոր է միայն լիբանանյան պետության և նրա ինստիտուտների ամրապնդման միջոցով։
The latest ceasefire between Israel and Lebanon offers a chance to prevent a return to full-scale hostilities. But the death of a UNIFIL peacekeeper and continued skirmishes underscore the tenuous nature of what was agreed.The best way to reduce the threat posed by Hezbollah…
— Kaja Kallas (@kajakallas) June 4, 2026
««Հըզբոլլահից» բխող սպառնալիքը նվազեցնելու լավագույն միջոցը լիբանանյան պետության ուժեղացումն է, նրա ինստիտուտների ամրապնդումը և ուժի կիրառման հարցում նրա մենաշնորհի վերականգնումը։ Քանի դեռ պետությունը չունի իր տարածքում ուժի կիրառումը վերահսկելու լիարժեք կարողություն, պահպանվում է անկայունության և վերստին լարվածության սրացման ռիսկը։ Հենց այդ պատճառով էլ Լիբանանի բանակին և պետական կառույցներին աջակցելն ունի առանցքային նշանակություն կայուն խաղաղության համար»,- հայտարարել է նա։
Այս ռազմավարության շրջանակում Եվրոպական միությունը որոշում է ընդունել հավելյալ 100 միլիոն եվրո հատկացնել Լիբանանի զինված ուժերին՝ նրանց ներուժի ամրապնդման համար։