Կիրակի օրը Աթենքից հյուսիս-արևելք գտնվող Եվբեա կղզում գրանցվել է մոտ 5 մագնիտուդով երկու հաջորդական երկրաշարժ, հայտնում է Reuters-ը՝ հղում անելով Աթենքի գեոդինամիկ ինստիտուտի տվյալներին։
Նախնական տեղեկությունների համաձայն, տուժածներ չկան։
Սակայն հաղորդվում է, որ ստորգետնյա ցնցումների հետևանքով առանձին շրջաններում քարաթափումներ են տեղի ունեցել։
Երկրաշարժը զգացվել է նաև Հունաստանի մայրաքաղաքում, որը գտնվում է Եվբեայի հյուսիսային հատվածում գտնվող էպիկենտրոնից մոտ 130 կմ հեռավորության վրա։