Հասարակական գործիչ, ռեժիսոր Հովհաննես Իշխանյանի ֆեյսբուքյան գրառումը․ «Կենտրոնական ընտրական հանձնաժողովը, բացի նկարելուց, նաև «գաղտնի ցուցակ« հասկացությունով ռիսկի տակ է դնում հետագա ընտրական մեր իրավունքը:
18125-ով ավելացել է ընտրողների թիվը քվեարկությունից հետո:
Այդ ավելցուկի անունը դրել են «Գաղտնի ցուցակ»:
Նախորդ ընտրություններին չի եղել նման բան: Եղել է չնչին տարբերություն, որը կապված էր տեխնիկական վրիպակի հետ:
Որևէ գաղտնի ցուցակ չի կարող լինել, եթե այսօր 18 հազար է, վաղը 1 միլիոն կսարքեն ու մեզ կզրկեն ընտրություն կատարելուց:
Եթե այդ ընտրողները գոյություն ունեին, ապա պետք է նախապես հայտնի լիներ դրանց ընդհանուր թիվը և իրավական կարգավիճակը։
Հակառակ դեպքում ընտրողների ընդհանուր թվի նկատմամբ հանրային վերահսկողությունը դառնում է անհնար
Այդ 18 հազար ընտրողները պիտի բացահայտվեն և ջնջվի նրանց ընտրությունը»: