Երեկ ինձ զանգահարեց քաղաքականությունից իրազեկ, լավ հասկացող ծանոթս ու իր տեսակետը ներկայացրեց հունիսի 7-ի ընտրություններից հետո ընդդիմության կողմից պատգամավորական մանդատները վերցնել-չվերցնելու վերաբերյալ։ Այս մասին Facebook–ի իր էջում գրել է լրագրող Ոսկան Սարգսյանը։
Նա, մասնավորապես, նշել է. «Նրա խոսքով ՝ ընդդիմության կողմից Աժ մանդատները չվերցնելու պարագայում Նիկոլ Փաշինյանը Աժ-ում չունենալով ընդդիմություն՝ ցանկացած հարց միանձնյա, առանց որևէ մեկի հետ հաշվի նստելու է լուծելու։ Փաշինյանն արդեն ստացել է ԱՄՆ-ի, Եվրամիության շնորհավորանքները, որոնք դրանով ճանաչել են նրա իշխանության լեգիտիմությունը։
Ընդդիմությունը ԱԺ-ում լինելու դեպքում Փաշինյանին զրկելու է սահմանադրական մեծամասնություն, ձայների 3/5-ը ունենալու հնարավորությունից,սահմանափակելու է նրա հնարավորությունները մի շարք առանցքային պաշտոնյաների՝ գլխավոր դատախազին, սահմանադրական և վճռաբեկ դատարանների դատավորներին, ԿԸՀ-ի նախագահին, կենտրոնական բանկի նախագահին և այլ բարձրաստիճան պաշտոնյաներին միանձնյա նշանակելու հնարավորությունից։
ԱԺ-ում ընդդիմությունը կարող է միասնական, համակարգված պայքարով թույլ չտալ Ադրբեջանին անկլավների հանձնումը, նոր Սահմանադրության ընդունումը և Անկախության հռչակագրի չեղարկումը։
Ծանոթս ասաց, որ ընդդիմության կողմից պատգամավորական մանդատները վերցնելը չպետք է նշանակի ընդդիմության կողմից փողոցային պայքարից ընդհանրապես հրաժարում, գործունեության այդ ձևերը պետք է իրար լրացնեն, ընդդիմությունը պետք է գործի՝ ըստ իրավիճակի նպատակարմարության»։
Նշենք, որ ըստ ընտրությունների վերաբերյալ ԿԸՀ–ի նախնական տվյալների ձայները բաշխվել են հետևյալ կերպ.
· «Քաղաքացիական պայմանագիր»՝ 49, 825 տոկոս
· «Ուժեղ Հայաստան»՝ 23,281 տոկոս
· «Հայաստան» դաշինք՝ 9, 934 տոկոս
· «Բարգավաճ Հայաստան»՝ 3,996 տոկոս:
ԱԺ անցնելու համար անցողիկ շեմը 4 տոկոսն է և եթե վերահաշվարկի արդյունքում ԲՀԿ ձայները հասնեն 4 տոկոսի, ապա ԲՀԿ–ն ևս կհայտնի նոր Ազգային ժողովում։ Մյուս երեք ուժերը հաստատ կլինեն նոր խորհրդարանում։