«Եթե ասում են առաջարկել են գործարք, թող ասեն՝ ով ում է առաջարկել»,-այս մասին այսօր ճեպազրույցում նշեց վարչապետ Նիկոլ Փաշինյանը՝ անդրադառնալով դիտարկմանը, որ մամուլում շրջանառվել է տեղեկություն այն մասին, որ ընտրություններից առաջ ինքն ընդդիմադիր ուժերին առաջարկել է գործարքի գնալ։
«Գագիկ Ծառուկյանին որ գործարք առաջարկեինք, ծնկաչոք այդ գործարքին ընդառաջ կգար։ Գագիկ Ծառուկյանին գործարք առաջարկող չի եղել, դրա համար որբի նման ընկել է աշխարհեաշխարհ՝ տարբեր տեղերում գործարք է փնտրել, գտել, հետո պարզվել է իրեն ընդամենը հավաքագրել են․․․ Գագիկ Ծառուկյանը կխնդրի, «սոտյկա» կտա, որ ես իրեն գործարք առաջարկեմ»,- ընդգծեց Փաշինյանը։