Մարզադաշտ «Ացտեկա»
A խումբ, առաջին տուր
Մեքսիկա- Հարավաֆրիկյան Հանրապետություն` 2:0
Ֆուտբոլի աշխարհի առաջնության անդրանիկ խաղում միմյանց դեմ մրցեցին կազմակերպիչ երկրի` Մեքսիկայի ու Հարավաֆրիկյան Հանրապետության թիմերը:
«Արմենպրես»-ի հաղորդմամբ` հանդիպման մեկնարկից 9 րոպե անց Մեքսիկան բացեց հանդիպման հաշիվը: Այս աշխարհի առաջնության առաջին գոլը խփեց Խուլիան Կինյոնեսը: Հարավաֆրիկյան Հանրապետությունը բաց թողած գնդակից հետո էլ մեծ ուժերով չէր գրոհում: Երկրորդ կեսի մեկնարկին` 50-րդ րոպեին, «վերջին հույսի խախտման» համար Հարավաֆրիկյան Հանրապետության հավաքականից կարմիր քարտ ստացավ ու հեռացվեց Յայա Սիտհոլը: Մեքսիկայի հավաքականը կարողացավ երկրորդ գնդակն ուղարկել մրցակցի դարպասը` հաշվի տարբերությունը կրկնապատկելով 67-րդ րոպեին: Գոլն իր ակտիվում գրանցեց Ռաուլ Խիմենեսը: Խաղավարտին Հարավաֆրիկյան Հանրապետության թիմը մնաց արդեն 9 ֆուտբոլիստով` կարմիր քարտ ստացավ Թեմբա Զվանեն: Կարմիր քարտ ստացավ նաև Մեքսիկայի հավաքականի ավագը` Սեզար Մոնտեսը:
Երկրորդ տուրում Մեքսիկան կխաղա Կորեայի հետ, իսկ Հարավաֆրիկյան Հանրապետությունը` Չեխիայի հետ: Երկրորդ տուրը կկայանա հունիսի 19-ին: