Եգիպտոսը կոչ է արել ԱՄՆ-ին և Իրանին օգտվել «առկա հնարավորությունից»՝ համաձայնության հասնելու համար, որը կարող էր վերջ դնել պատերազմին, այն բանից հետո, երբ ԱՄՆ նախագահ Դոնալդ Թրամփը հրաժարվել է Թեհրանի դեմ նոր հարվածներ հասցնելու սպառնալիքից, հաղորդում է AFP-ն։
Հինգշաբթի ուշ երեկոյան հրապարակված հայտարարության մեջ Եգիպտոսի արտաքին գործերի նախարարությունը հույս է հայտնել, որ կողմերը կկարողանան օգտագործել բացված դիվանագիտական պատուհանը՝ մնացած տարաձայնությունները կարգավորելու համար։
«Մենք հույս ունենք, որ առկա հնարավորությունը կօգտագործվի տարբեր չլուծված հարցերի շուրջ համաձայնության հասնելու և պատերազմը դադարեցնելու պայմաններ ստեղծելու, ինչպես նաև տարածաշրջանային կայունության նոր փուլ սկսելու համար», — ասված է Եգիպտոսի արտաքին քաղաքական գերատեսչության հայտարարության մեջ։
Կահիրեի հայտարարությունը հնչել է այն ֆոնին, երբ նշաններ են ի հայտ եկել Վաշինգտոնի և Թեհրանի միջև դիվանագիտական ջանքերի հնարավոր վերսկսման մասին, այն բանից հետո, երբ Դոնալդ Թրամփը մեղմացրել է իր հռետորաբանությունը և հրաժարվել Իրանի դեմ նոր հարվածների վերաբերյալ ավելի վաղ հնչեցրած սպառնալիքներից։