Հունգարիայի ռազմաօդային ուժերը օդ են բարձրացրել կործանիչներ՝ իսրայելական Arkia ավիաընկերության ուղևորատար ինքնաթիռը որսալու համար, որը, լրատվամիջոցների հաղորդմամբ, Հունգարիայի օդային տարածք մտնելուց հետո կապ չի պահպանել կարգավարների հետ, հայտնել է The Times of Israel-ը։
Airbus A321 ինքնաթիռը կատարում էր Թել Ավիվ–Պրահա չվերթը։ Կապի կորստից հետո օդ են բարձրացվել երկու JAS 39 Gripen կործանիչներ։ Հաղորդվել է, որ ընթացակարգի շրջանակում հայտարարվել է ՆԱՏՕ տագնապի ամենաբարձր մակարդակը։
Անձնակազմի հետ կապը վերականգնելուց հետո օդանավը շարունակել է թռիչքը և բարեհաջող հասել նշանակման վայր։ Միջադեպը որևէ հետևանք չի ունեցել ուղևորների և անձնակազմի համար։
Arkia Airlines ավիաընկերությունում հայտնել են, որ տեղի ունեցածի վերաբերյալ ներքին քննություն են անցկացնում։ Փոխադրողի հայտարարության մեջ ասվում է, որ անձնակազմը գործել է հաստատված թռիչքային պլանին և սահմանված երթուղիներին համապատասխան։
Ընկերությունում նաև ընդգծել են, որ թռիչքի ոչ մի պահի ինքնաթիռի, ուղևորների կամ անձնակազմի անդամների համար սպառնալիք չի առաջացել։