Միավորվենք ռասիզմի դեմ շարժումը Հյուսիսային Իռլանդիայի մայրաքաղաք Բելֆաստի քաղաքապետարանի դիմաց գտնվող հրապարակում կազմակերպել է բազմահազարանոց հանրահավաք Միասին ընդդեմ ատելության կարգախոսով, որի մասնակիցները կրում էին Ատելությունը մեր փողոցների միակ սպառնալիքն է և Բելֆաստը դեմ է ռասիզմին գրություններով պաստառներ։
Այս մասին հաղորդում է գերմանական DW լրատվական գործակալությունը՝ պարզաբանելով, որ այս մասշտաբային բողոքի ակցիան բռնկվել է ի պատասխան հունիսի 8-ին Հյուսիսային Բելֆաստում տեղի ունեցած սահմռկեցուցիչ մի միջադեպի, որի ժամանակ 30-ամյա սուդանցի ապաստան խնդրողը դաժանորեն դանակահարել էր մոտ 40 տարեկան մի տղամարդու՝ հասցնելով ծանր վնասվածքներ աչքերի, գլխի ու մեջքի շրջանում:
Ըստ լրատվամիջոցի փոխանցած հետագա մանրամասների և LBC ռադիոյի հաղորդած տվյալների՝ հարձակվողը նույնիսկ փորձել էր գլխատել զոհին, ում կյանքը միայն անցորդների շտապ միջամտության շնորհիվ էր հաջողվել փրկել, իսկ տեսանյութի առցանց տարածումից հետո քաղաքում սկսվել էին մասսայական անկարգություններ, որոնց ընթացքում դիմակավորված անձինք այրել էին աղբամաններ, մեքենաներ, ավտոբուս ու հարձակվել իրավապահների վրա:
Արդյունքում, իրավապահները սուդանցուն պաշտոնապես մեղադրանք են առաջադրել սպանության փորձի, հասարակական վայրում դանակ կրելու և սպանության սպառնալիքի համար՝ հունիսի 20-ին նրան կանգնեցնելով Բելֆաստի մագիստրոսական դատարանի առաջ։
Թամարա Քալանթարյան