ԱՄՆ-ի և Իրանի միջև հնարավոր համաձայնագրի շուրջ տարաձայնությունների ֆոնին Իսրայելի վարչապետ Բենիամին Նեթանյահուն X սոցիալական ցանցում շնորհավորել է ԱՄՆ նախագահ Դոնալդ Թրամփին նրա 80-ամյակի առթիվ։
«Ծնունդդ շնորհավոր, Դոնալդ», — գրել է Նեթանյահուն՝ նշելով, որ այս տարի ամերիկացի առաջնորդի ծննդյան օրը համընկնում է «բարենպաստ պահի» հետ։ Նա նաև ընդգծել է ամսաթվի պատմական նշանակությունը ԱՄՆ-ի համար. «Ամերիկան նշում է ազատության 250-ամյակը՝ մեծ ազգի, որը կառուցվել է ազատության և հավատի վրա»։
Իր ուղերձում Նեթանյահուն հիշեցրել է «խաղաղություն ուժի միջոցով» սկզբունքի մասին, ինչը շատ դիտորդներ գնահատել են որպես անուղղակի մեկնաբանություն ԱՄՆ-ի և Իրանի միջև քննարկվող հուշագրի վերաբերյալ, որը Իսրայելում միանշանակ չի ընկալվում, մեկնաբանում է The Times of Israel-ը։
«Մաղթում եմ ձեզ հետագա ուժ և եռանդ, որպեսզի առաջնորդեք Ամերիկան դեպի խաղաղության լուսավոր ապագա՝ ուժի միջոցով, և շարունակեք ամերիկա-իսրայելական դաշինքը բարձրացնել ավելի բարձր մակարդակի», — ավելացրել է Նեթանյահուն։