Չեխիայի կառավարությունը հավանություն է տվել Եվրամիության SAFE վարկային ծրագրին երկրի մասնակցությանը, որն ուղղված է պաշտպանության և անվտանգության ամրապնդմանը, ներառյալ սպառազինության գնումը։ Դրա մասին հայտնում է ČTK գործակալությունը։
Գործակալության տվյալներով՝ Չեխիան մոտ 2,06 միլիարդ եվրո կստանա։ Այդ միջոցները նախատեսվում է ուղղել գերմանական Leopard 2A8 տանկերի և չեխական արտադրության Tatra T-815 բարձր անցանելիության բեռնատար ավտոմեքենաների գնմանը։
Ֆինանսավորման մի մասը կօգտագործվի նաև արագընթաց ավտոմայրուղու շինարարության համար, որը կարող է ներգրավվել պաշտպանական նպատակներով։
Եվրահանձնաժողովն ավելի վաղ հավանություն էր տվել վարկի օգտագործման վերաբերյալ Չեխիայի ծրագրին։ SAFE ծրագրին մասնակցում է Եվրամիության անդամ 19 երկիր։