Utair ավիաընկերության Մոսկվա-Նախիջևան չվերթի ուղևորուհին թռիչքի ժամանակ սխալմամբ փորձել է բացել ինքնաթիռի դուռը՝ այն ընդունելով որպես զուգարանի մուտք։ Դրա մասին հայտնում է «Авиаторщина».թելեգրամյան ալիքը։
Միջադեպը տեղի է ունեցել հունիսի 6-ին։ Կասպից ծովի վրայով թռիչքի ժամանակ կինը, զուգարանը փնտրելիս, սկսել է քաշել օդանավի պոչամասի սպասարկման դուռը։
Նրա գործողությունների պատճառով օդաչուների խցիկում միացել է Master Caution տագնապի ազդանշանը։ Շուտով տագնապը դադարել է, սրահի հերմետիկության խախտում տեղի չի ունեցել։
Ինքնաթիռը շարունակել է թռիչքը բնականոն հունով և բարեհաջող ժամանել Նախիջևան։