17 երկիր պատրաստակամություն է հայտնել աջակցել Իրանի դեմ պատժամիջոցների հնարավոր մեղմացմանը կամ չեղարկմանը ԱՄՆ-ի և Թեհրանի միջև համաձայնագրի ստորագրումից հետո։ Դրա մասին ասված է Մեծ Բրիտանիայի կառավարության կայքում հրապարակված հայտարարության մեջ։
Ի սկզբանե համատեղ հայտարարությունը հրապարակել էին Մեծ Բրիտանիան, Ֆրանսիան, Գերմանիան և Իտալիան։ Ավելի ուշ դրան միացել են Ճապոնիան, Կանադան, Ավստրալիան, Բելգիան, Բուլղարիան, Կիպրոսը, Դոմինիկյան Հանրապետությունը, Էստոնիան, Ֆինլանդիան, Հունաստանը, Լատվիան, Լեհաստանը և Պորտուգալիան։
Փաստաթղթում ընդգծվում է, որ պատժամիջոցների հնարավոր չեղարկումը կախված կլինի միջուկային ծրագրի վերաբերյալ Իրանի «հստակ և ստուգման ենթակա միջոցառումների» կատարումից։
Ավելի վաղ եվրոպական երկրներն արդեն հայտարարել էին, որ պատրաստ են դիտարկել սահմանափակումների չեղարկումը միայն իրանական միջուկային ծրագրի քաղաքականության մեջ իրական փոփոխությունների պայմանով։